မြန်မာ့သြဘာလုပ်ငန်းစုကို မြန်မာနိုင်ငံရှိ လယ်ယာလုပ်ငန်းများ ပိုမိုတိုးတက်ကောင်းမွန်လာစေရန် မြှင့်တင်ပေး မည်ဟူသော ရည်ရွယ်ချက်ဖြင့် ၁၉၉၅ ခုနှစ်တွင် စတင်တည်ထောင်ခဲ့ပါသည်။ မြန်မာနိုင်ငံသည် စိုက်ပျိုးရေး ကဏ္ဍကို များစွာမှီခိုအားထားနေရသော နိုင်ငံတစ်နိုင်ငံ ဖြစ်သည်နှင့်အညီ ဤကဏ္ဍအား ပိုမိုခိုင်မာအားကောင်းစေ ရန် ဆောင်ရွက်ခြင်းသည် တစ်နိုင်ငံလုံးရှိ လူမှုအသိုင်းအဝိုင်းများ၏ လူမှုစီးပွားဘဝကို များစွာ အထောက်အကူပြု ပေးနိုင်ပါသည်။
မြန်မာ့သြဘာလုပ်ငန်းစုသည် မြန်မာနိုင်ငံရှိ တောင်သူလယ်သမားများအတွက် ရေရှည်တည်တံ့ပြီး အရည်အသွေး မြင့်မားသော ထုတ်ကုန်နှင့် ဝန်ဆောင်မှုများကို ပေးအပ်သွားရန် ကတိပြုထားပြီး တောင်သူလယ်သမားများ၏ စွမ်းဆောင်ရည်ကို မြှင့်တင်ပေးနိုင်မည့် အခွင့်အလမ်းများကိုလည်း ဖော်ဆောင်ပေးလျက်ရှိပါသည်။ ထိုသို့ အောင်မြင်စွာ ဆောင်ရွက်နိုင်ရန်အတွက် တောင်သူလယ်သမားများ၏ ပြောင်းလဲလာသော လိုအပ်ချက်များကို အစဉ်တစိုက် ဆန်းစစ်လေ့လာပြီး တောင်သူလယ်သမားများ (သို့မဟုတ်) ဝယ်ယူအားပေးသူများနှင့် ကျယ်ပြန့် သော လူမှုအသိုင်းအဝိုင်း တစ်ခုလုံးကိုပါ အထောက်အကူပြုနိုင်မည့် ဘက်စုံလွှမ်းခြုံသော ဖြေရှင်းချက်များကို အထူးစီမံ ဖော်ဆောင်ပေးလျက်ရှိပါသည်။

မြန်မာ့သြဘာလုပ်ငန်းစုသည် တောင်သူလယ် သမားများအတွက် ပိုးသတ်ဆေး၊ မှိုသတ်ဆေး၊ ပေါင်းသတ်ဆေး၊ ရွက်ဖျန်းမြေသြဇာနှင့် အပင် ကြီးထွားမှု ဆိုင်ရာဆေးများကဲ့သို့သော မရှိမဖြစ် လိုအပ်သည့် စိုက်ပျိုးရေး သွင်းအားစုများကို စုံလင် စွာ ထောက်ပံ့ပေးလျက်ရှိပါသည်။ ထို့အပြင် သီးနှံ များ၏ အရည်အသွေးကို မြှင့်တင်ရန်နှင့် အထွက် နှုန်းတိုးတက် ကောင်းမွန်စေရန်အတွက် အရည် အသွေးမြင့် မျိုးစေ့များကိုလည်း ပံ့ပိုးပေးလျက် ရှိပါသည်။

မြန်မာ့သြဘာလုပ်ငန်းစုသည် တောင်သူလယ် သမားများ၏ သီးခြား လိုအပ်ချက်များကို ဖြည့်ဆည်းပေးနိုင်ရန် ထုတ်ကုန်များကို တီထွင် ထုတ်လုပ်လျက်ရှိပြီး သီးနှံအမျိုးအစားနှင့် ဒေသ အပေါ်မူတည်၍ လိုက်လျောညီထွေရှိစေရန် အထူး စီမံဆောင်ရွက်ထားသည့်အပြင် တောင်သူများ အနေဖြင့် သင့်တင့်သောဈေးနှုန်းဖြင့် ရရှိနိုင်စေ ရန်အတွက် အမျိုးအမည်စုံလင်လှသော ထုတ်ကုန် များကို ပြည်တွင်း၌ပင် ထုတ်လုပ်လျက်ရှိပါသည်။ ၎င်းအပြင် ဇီဝမြေဩဇာများ အပါအဝင် ဇီဝ စိုက်ပျိုးရေးဆိုင်ရာ ဖြေရှင်းချက်များ ပိုမိုတိုးတက် လာစေရန် အတွက်လည်း ရင်းနှီးမြှုပ်နှံမှုများ လုပ်ဆောင် လျက်ရှိပါသည်။

မြန်မာ့သြဘာလုပ်ငန်းစုသည် တောင်သူလယ် သမားများကို ကူညီပံ့ပိုးပေးနိုင်ရန်အတွက် ဘဏ္ဍာရေးနှင့် နည်းပညာဆိုင်ရာဝန်ဆောင်မှုများ ကို ပေးအပ်လျက်ရှိပါသည်။ တောင်သူများအနေဖြင့် ငွေကြေးအရင်းအနှီးများ ရရှိနိုင်ရန်နှင့် တိုးတက် လာသော နည်းပညာများကို အသုံးပြုနိုင်ရန် အတွက် နောက်ကျကျန်ရစ်ခြင်း မရှိစေရဘဲ ရရှိအသုံးပြုနိုင်ရန် အလေးထား ဆောင်ရွက်လျက် ရှိပါသည်။ ထိုသို့ အောင်မြင်စွာ ဆောင်ရွက် နိုင်ရန်အတွက် မြန်မာ့သြဘာလုပ်ငန်းစု၏ လက်အောက်ခံ ကုမ္ပဏီများမှတဆင့် ဆန်းသစ် သော ဖြေရှင်းချက်အသစ်များကို ဖော်ဆောင် ပေးလျက်ရှိပါသည်။

မြန်မာ့ဩဘာလုပ်ငန်းစု၏ စီမံအုပ်ချုပ်မှုပုံစံသည် နေ့စဉ်လုပ်ငန်းဆောင်တာများကို လမ်းညွှန်ပေးသည့် မူဘောင်များ ကို ချမှတ်ရာတွင် အဓိကအခန်းကဏ္ဍမှ ပါဝင်ပါသည်။ ပြောင်းလဲတိုးတက်နေသော ယနေ့ခေတ် ဈေးကွက် ပတ်ဝန်းကျင်တွင် မြန်မာ့ဩဘာလုပ်ငန်းစုအနေဖြင့် ကဏ္ဍအသီးသီး၌ အချိန်နှင့်တစ်ပြေးညီစွာ ဆုံးဖြတ်ချက် ကောင်းများ ချမှတ်နိုင်ရန်မှာ အထူးပင်အရေးကြီးလှပါသည်။ ၂ဝ၂၅ ခုနှစ်တွင် မြန်မာ့သြဘာလုပ်ငန်းစုစတင်ခဲ့သော နှစ် (၃ဝ) ပြည့်သည့်နှစ် ဖြစ်သည်နှင့်အမျှ မြန်မာ့ဩဘာ လုပ်ငန်းစု၏ တည်ထောင်သူ၊ ဥက္ကဋ္ဌနှင့် လုပ်ငန်းစု CEO အတွက် ဆက်ခံရေးအစီအစဉ်ကို စတင်ခဲ့ပါသည်။ ရလဒ် အနေဖြင့် ဒါရိုက်တာဘုတ်အဖွဲ့မှ ဦးအောင်စည်အား ဒါရိုက်တာအသစ်အဖြစ် ကြိုဆို ခဲ့ပါသည်။ တစ်ချိန်တည်းမှာပင် မတူညီသော စီးပွားရေးအဖွဲ့ (BU) များမှ ခေါင်းဆောင်များအား မြန်မာ့ဩဘာလုပ်ငန်းစု၏ ဒါရိုက်တာဘုတ်အဖွဲ့ထံ စနစ်တကျဖြင့် ပုံမှန်အစီရင်ခံတင်ပြရန် ဖိတ်ကြားခဲ့ပါသည်။

မြန်မာ့ဩဘာလုပ်ငန်းစု၏ ရေရှည်တည်တံ့ခိုင်မြဲရေး မဟာဗျူဟာ

မြန်မာ့ဩဘာလုပ်ငန်းစုသည် ပြည်တွင်းနှင့် ပြည်ပအကျိုးသက်ဆိုင်သူများအတွက် အရေးပါသည့် ကိစ္စရပ်များကို ဖော်ထုတ်နိုင်ရန် အကျိုးသက်ဆိုင်သူအများအပြားနှင့် တွေ့ဆုံခဲ့ပြီးနောက် ၂ဝ၂၁ ခုနှစ်တွင် ရေရှည်တည်တံ့ခိုင်မြဲ ရေး မဟာဗျူဟာကို ချမှတ်ခဲ့ပါသည်။ ၂၀၂၅ ခုနှစ်တွင် ရေရှည်တည်တံ့ခိုင်မြဲရေးကို မြန်မာ့ဩဘာလုပ်ငန်းစု၏ လုပ်ငန်းများတွင် မည်သို့ ထည့်သွင်းအကောင်အထည်ဖော်ရမည်ကို ကောင်းမွန်စွာ သိရှိနိုင်ရန်အတွက် မြန်မာ့ ဩဘာလုပ်ငန်းစု၏ ဥက္ကဋ္ဌမှ ဥက္ကဋ္ဌအဖြစ် ဆောင်ရွက်ပြီး မြန်မာ့ဩဘာလုပ်ငန်းစု၏ စီးပွားရေးအဖွဲ့ (BU) စီမံခန့်ခွဲ မှုအဖွဲ့များမှ အဖွဲ့ဝင်များအဖြစ် ပါဝင်သော ရေရှည်တည်တံ့ခိုင်မြဲရေး ကော်မတီတစ်ရပ်ကို ဖွဲ့စည်းခဲ့ပါသည်။ ၂ဝ၂၅ ခုနှစ်တွင် ကော်မတီသည် မြန်မာ့ဩဘာလုပ်ငန်းစု မဟာဗျူဟာ၏ ဆီလျော်မှုကို အကဲဖြတ်ရန် ဆုံးဖြတ်ခဲ့ ပြီး ထိုသို့ပြုလုပ်ရန် အလုပ်ရုံဆွေးနွေးပွဲများ ဆက်တိုက်ကျင်းပခဲ့ပါသည်။

လက်ရှိစီးပွားရေးအခြေအနေများကြားတွင် မြန်မာတောင်သူဦးကြီးများ၏ အသက်မွေးဝမ်းကြောင်းများ တိုးမြင့် လာစေရန် ကူညီပံ့ပိုးပေးခြင်းသည် ပိုမိုအရေးကြီးပါသည်။ မြန်မာ့ဩဘာလုပ်ငန်းစုသည် စိန်ခေါ်မှုများနှင့် ရင်ဆိုင်နေရသော အခြေအနေတွင် တောင်သူဦးကြီးတို့လိုအပ်သော ဝန်ဆောင်မှုများနှင့် များနှင့် ထုတ်ကုန်များကို ပံ့ပိုးပေးခြင်း သာမက ၎င်းတို့ကိုထိထိရောက်ရောက်သုံးစွဲနိုင်ရန်နှင့် သဘာဝပတ်ဝန်းကျင်အပေါ် ချင်အပေါ် ဆိုးကျိုးသက်ရောက်မှု အနည်းဆုံး ဖြစ်စေရန်ကိုလည်း ကူညီဆောင်ရွက်ပေးမည်ကို ကတိပြုပါသည်။ ဤသို့ ပိုမိုကောင်းမွန်သော စိုက်ပျိုးရေးအလေ့အကျင့်များဆီသို့ ကူးပြောင်းရေးကို မြှင့်တင်ဆောင်ရွက်မှုသည် မြန်မာနိုင်ငံရှိ တောင်သူ လယ်သမားများအတွက် အယုံကြည်ရဆုံး မိတ်ဖက်ဖြစ်လာစေရန်တွက် ရည်မှန်းပါသည်။

ပဋိပက္ခများ သို့မဟုတ် သဘာဝဘေးအန္တရာယ်များ၏ အကျိုးဆက်များကို ကိုင်တွယ်ဖြေရှင်းနေရ သည့်အချိန်တွင် မြန်မာ့ဩဘာလုပ်ငန်းစု၏ ဝန်ထမ်းများအားလုံးအတွက် အထောက်အပံ့ရှိပြီး အားပေးသည်ဟု ခံစားရသော လုပ်ငန်းခွင် တစ်ခုကိုပေးဆောင်နိုင်ရန်အတွက် မြန်မာ့ဩဘာမှ ကြိုးပမ်း တည်ဆောက်လျက်ရှိပါသည်။ မြန်မာတောင်သူ ဦးကြီးများကို ကောင်းစွာဝန်ဆောင်မှုပေးရန်မှာ မြန်မာ့ဩဘာလုပ်ငန်းစုအတွက် အရေးကြီးသောကြောင့် မြန်မာ့ ဩဘာ၏ ဝန်ထမ်းများကိုလည်း ကောင်းစွာဂရုစိုက်ပေးရပါမည်။ မြန်မာ့တောင်သူဦးကြီးများထံယုံကြည်မူ တည်ဆောက်ရန်နှင့် ဝန်ဆောင်မှုများကို ပေးအပ်ရန်အတွက် မရှိမဖြစ် လိုအပ်နေသောကြောင့် မြန်မာ့ဩဘာ၏ ဝန်ထမ်းများ၏ ကျွမ်းကျင်မှုနှင့် အရည်အချင်းများသည် အခြေခံတည်ဆောက်မှု အုတ်မြစ်တစ်ခုဖြစ်ပါသည်။ ထို့ကြောင့် မြန်မာ့ဩဘာလုပ်ငန်းစု၏ ဝန်ထမ်းအားလုံး ဘေးကင်းစွာအလုပ်လုပ်နိုင်သည့်၊ ဝန်ထမ်းများ၏စွမ်းရည် များကို မြှင့်တင်နိုင်ပြီး အလားအလာကို ဖော်ပြနိုင်သည့် တရားမျှတပြီး ပါဝင်မှုရှိသော အလုပ်ခွင်တစ်ခုကို ပံ့ပိုးပေး ရန် မြန်မာ့ဩဘာလုပ်ငန်းစုမှ ကတိပြုပါသည်။

လက်ရှိအချိန်တွင် မြန်မာနိုင်ငံသည် သဘာဝဘေးအန္တရာယ်များ၏ သက်ရောက်မှုများကို ဆက်လက်ရင်ဆိုင်နေရပြီး ရာသီဥတုပြောင်းလဲမှုဒဏ်ကို အလွန်အမင်း ရင်ဆိုင်နေရသော အခြေအနေတွင် ရှိနေပါသည်။ ထို့ကြောင့် မြန်မာ့ သြဘာလုပ်ငန်းစုအနေဖြင့် ရေရှည်တည်တံ့ပြီး တာဝန်ယူမှုရှိသော စီးပွားရေးအလေ့အထများသည် ယခင်က ထက် ပိုမိုလုပ်ဆောင်ရန် အရေးကြီးသည်ဟု ယုံကြည်ပါသည်။ ထို့ကြောင့် မြန်မာ့သြဘာလုပ်ငန်းစုသည် မိမိတို့၏ လုပ်ငန်းဆောင်ရွက်မှုများကြောင့် ဖြစ်ပေါ်သော ပတ်ဝန်းကျင်ဆိုင်ရာ ဆိုးကျိုးသက်ရောက်မှုများကို လျှော့ချရန် သာမက ထောက်ပံ့ရေးကွင်းဆက်တစ်ခုလုံးတွင် အသိပညာပေးရန်နှင့် လုပ်ဆောင်ချက်များကို တွန်းအားပေးရန် လည်း ကတိပြုပါသည်။

ရေရှည်တည်တံ့သော စီးပွားရေးအလေ့အထများကို မြှင့်တင်ရန် စတင်ဆောင်ရွက်ခြင်း

ည် လုပ်ငန်းဆောင်ရွက်မှု မြန်မာ့ သြဘာလုပ်ငန်းစုသည် လုပ်ငန်းဆောင်ရွက်မှုများအတွင်း ရေရှည်တည်တံ့သော ဖွံ့ဖြိုးတိုးတက်မှုနှင့် တာဝန် ယူမှုရှိသော စီးပွားရေးအလေ့အထများကို တွန်းအားပေးဆောင်ရွက်နေသော ပုဂ္ဂိုလ်များနှင့် အဖွဲ့အစည်းများ၏ ပံ့ပိုးကူညီမှုများကို ဂုဏ်ပြုရန်အတွက် Better MAG Award အစီအစဉ်ကို စတင်ခဲ့ပါသည်။ ဤအစီအစဉ်တွင် ဆု အမျိုးအစား လေးမျိုး ပါဝင်သည်

သဘာဝပတ်ဝန်းကျင်ဆိုင်ရာ ဆိုးကျိုးသက်ရောက်မှုများကို ကန့်သတ်ခြင်း

လက်ရှိတွင် မြန်မာ့သြဘာလုပ်ငန်းစုသည် နေရောင်ခြည်စွမ်းအင်သုံး အစီအစဉ်များစွာကို အကောင်အထည်ဖော်ပြီးဖြစ်ပြီး မိမိတို့၏ ထုတ်လုပ် မှုနေရာများတွင် စွန့်ပစ်ပစ္စည်းမှ စွမ်းအင်ထုတ်လုပ်သည့် ဖြေရှင်းနည်းများ ကိုလည်း အသုံးပြုလျက်ရှိပါသည်။

တာဝန်ယူမှုရှိသော စီးပွားရေးအဖွဲအစည်းတစ်ခုအနေဖြင့်၊ မြန်မာ့သြဘာလုပ်ငန်းစု၏ လုပ်ငန်းဆောင်ရွက်ချက်များ သည် လူမှုအသိုင်းအဝိုင်းများအပေါ် အပျက်သဘောဆောင်သော သက်ရောက်မှုများ မဖြစ်ပေါ်စေရန် မိမိတို့အနေ ဖြင့် ကြိုးပမ်းဆောင်ရွက်ပါသည်။ မိမိတို့အနေဖြင့် အကျိုးသက်ဆိုင်သူများ၏ တုံ့ပြန်ချက်များကို တက်ကြွစွာ စောင့် ကြည့်ပြီး စိုးရိမ်မှုများကို အချိန်မီ ဖြေရှင်းဆောင်ရွက်လျက်ရှိပါသည်။

အကျိုးသက်ဆိုင်သူများနှင့် ထိတွေ့ဆက်ဆံခြင်း

မြန်မာ့သြဘာလုပ်ငန်းစုအပေါ် အကျိုးသက်ဆိုင်သူများ၏ ယုံကြည်မှုနှင့် စိတ်ချရမှုများသည် မိမိတို့၏ အဖိုးတန် ဆုံးသော အရင်းအနှီးများထဲတွင် တစ်ခုအပါအဝင်ဖြစ်ပါသည်။

ရာဂီမုန်တိုင်းအတွင်း ထောက်ပံ့ကူညီမှုများ

၂ဝ၂၄ ခုနှစ် စက်တင်ဘာလတွင် ရာဂီမုန်တိုင်းသည် မြန်မာနိုင်ငံအား ဝင် ရောက်တိုက်ခတ်ခဲ့ပြီး နိုင်ငံတစ်ဝန်းရှိ မြို့နယ် ၁၉၂ မြို့နယ်တွင် ကျယ် ပြန့်သော ရေကြီးမှုများ ဖြစ်ပေါ်စေခဲ့ပါသည်။ ကမ္ဘာ့ဘဏ်၏ အဆိုအရ? လူဦးရေ ၂ သန်းခန့် အိုးမဲ့အိမ်မဲ့ ဖြစ်ခဲ့ရပြီး၊ ၁.၄ သန်းမှာ စားနပ်ရိက္ခာ ဖူလုံမှုမရှိခြင်းနှင့် ရင်ဆိုင်ခဲ့ရပါသည်။ ထို့အပြင် စိုက်ပျိုးမြေ ဟက်တာ ၄၈ဝ,ဝဝဝ ကျော် နစ်မြုပ်ခဲ့ရပြီး၊ ၎င်းသည် နိုင်ငံ၏ စုစုပေါင်း စိုက်ပျိုးမြေ ၃.၅ ရာခိုင်နှုန်းခန့် ရှိခဲ့ပါသည်။ တောင်သူလယ်သမားဦးရေ ၅၄ ရာခိုင်နှုန်းခန့်၏ သီးနှံများ၊ တိရစ္ဆာန်များ၊ စက်ကိရိယာများနှင့် အခြား မရှိမဖြစ်လိုအပ်သော အရင်းအမြစ်များ ဆုံးရှုံးခဲ့ရပါသည်။